Выбрать язык
Выбрать рассказ Ветхого Завета
Выбрать рассказ Нового Завета
Юмо эше Авраамлан каласен: «Мый тыйым аралем да тыланет кугу пӧлекым ыштем». Но Авраамым йочаже укелык да ынде шоҥго улмыжо моткоч тургыжландарен. Тудо ойлен: «Юмем! Мом Тый мылам пуэт? Мый йоча деч посна кодам. Тый мылам шочшым пуэн отыл, садлан мо улыжат чыла тарземлан кодеш». Тунам Юмо Авраамым тӱжваке луктын да каласен: «Кавашке ончал. Шӱдыр-влакым шотлен кертат гын, шотло. Тыйын шочшет-кушшет тынарак шуко лиеш. Мый ватетым суапландарем, тудын гочын тыланет эргым пуэм». Авраам Юмылан ӱшанен, тидланак Юмо тудым серлаген да Шкеж деке чакемден.
Ик кечын Авраам илемже ончылно шинчен. Кенета ончыкыжо кум пӧръеҥ толын шогалын. Авраам вигак умылен – тиде Юмын уверзыже-влак улыт. Авраам нуным вуйым савен вашлийын да чапле сийым ямдылен. Кочмекышт, нунын кокла гыч иктыже Авраамлан каласен: «Мый вес ийын лач тиде жапыште тый декет пӧртылам. Тудо жаплан Сарра ватет эргым ышта». Жап шумеке, Юмо сӧрымыжым шуктен. Самырык лийын огыл гынат, икмыняр жап гыч Сарра нелемын, да Авраамын эрге шочын.
Тӱҥалтыш (Бытие) 15:1-6; 17:16; 18:1-10; 21:1-3
20 