Выбрать язык
Книги Ветхого Завета
Книги Нового Завета
без русского текстаСВЯТОЙ АПОСТОЛ ПАВЕЛЫН ГАЛАТ-ВЛАКЛАН КОЛТЫМО СЕРЫШЫЖЕ | ПОСЛАНИЕ К ГАЛАТАМ |
3 Глава | Глава 3 |
| 1 О, умылыдымо галат-влак, кӧ тендам чын деч кораҥаш ондален таратен? Шинча ончылныда Иисус Христос тендан дене пудален сакыме [гаяк] сӱретлалтын. | 1О, несмысленные Галаты! кто прельстил вас не покоряться истине, вас, у которых перед глазами предначертан был Иисус Христос, как бы у вас распятый? |
| 2 Тендан деч тидым гына пален налнем: законым шуктымо дене те Юмын Шӱлышым налында мо але колмо уверлан ӱшаныме дене? | 2Сие только хочу знать от вас: через дела ли закона вы получили Духа, или через наставление в вере? |
| 3 Тунарак те умылыдымо улыда мо? Шӱлыш дене тӱҥалында, а ынде кап да чон дене мучашледа? | 3Так ли вы несмысленны, что, начав духом, теперь оканчиваете плотью? |
| 4 Арамак мо те тынар шуко чытенда? Уке, арам огыл, шонем. | 4Столь многое потерпели вы неужели без пользы? О, если бы только без пользы! |
| 5 Юмо тыланда Шӱлышым пуа да тендан коклаште чудым ышта. Тидым Тудо законым шуктымыланда кӧра мо ышта – але колмо уверланда ӱшанымылан кӧра? | 5Подающий вам Духа и совершающий между вами чудеса через дела ли закона сие производит, или через наставление в вере? |
| 6 Авраам денат тыгак лийын: «Тудо Юмылан ӱшанен, сандене Юмо тудым чын ыштышылан шотлен».*а | 6Так Авраам поверил Богу, и это вменилось ему в праведность. |
| 7 Тугеже палыза: ӱшанымашлан эҥертыше-влак Авраамын шочшышт улыт. | 7Познайте же, что верующие суть сыны Авраама. |
| 8 Вес калык гыч улшо еҥ-влакым Юмо ӱшанымыштлан кӧра чыныш луктеш. Тидым Возымаш ончык ужын да Авраамлан «Тыйын гоч калык-влак чылан суапландарыме лийыт»*б манын, поро уверым ончылгоч увертарен. | 8И Писание, провидя, что Бог верою оправдает язычников, предвозвестило Аврааму: в тебе благословятся все народы. |
| 9 Тыгеракын, ӱшанымашлан эҥертыше-влак ӱшаныше Авраам дене пырля суапландарыме лийыт, | 9Итак верующие благословляются с верным Авраамом, |
| 10 а законым шуктымылан эҥертыше-влак ӱмбалне – каргымаш. Вет возымо: «Закон книгаш возымым кӧ чылажымат шуктен ок шого, кеч-кӧат каргыме лиеш».*в | 10а все, утверждающиеся на делах закона, находятся под клятвою. Ибо написано: проклят всяк, кто не исполняет постоянно всего, что написано в книге закона. |
| 11 А закон гоч нигӧ Юмын ончылно чыныш ок лек, тиде раш, вет «чын ыштыше айдеме ӱшанымашыж дене илаш тӱҥалеш».*г | 11А что законом никто не оправдывается пред Богом, это ясно, потому что праведный верою жив будет. |
| 12 Закон ӱшанымашлан ок эҥерте, а «кӧ законын йодмыжым шукта, тудым шуктымо дене ила».*д | 12А закон не по вере; но кто исполняет его, тот жив будет им. |
| 13 Христос мемнам законын каргымыж деч тӱлен налын. Тудо мемнан верч Шке каргыме лийын, возымо вет: «Пу меҥгеш сакыме кеч-кӧат каргыме».*е | 13Христос искупил нас от клятвы закона, сделавшись за нас клятвою--ибо написано: проклят всяк, висящий на древе, -- |
| 14 Сандене Авраамлан пуымо суапландарымаш вес калык-влак деке Христос Иисус гоч шуын кертеш, да ме сӧрымӧ Шӱлышым ӱшаныме дене налын кертына. | 14дабы благословение Авраамово через Христа Иисуса распространилось на язычников, чтобы нам получить обещанного Духа верою. |
| 15 Иза-шольо-влак, еҥ-влакын шонкалымышт семын ойлем: айдемын пеҥгыдемдыме ойпидышымат нигӧ шӧренат да тушко нимом ешаренат ок керт. | 15Братия! говорю по рассуждению человеческому: даже человеком утвержденного завещания никто не отменяет и не прибавляет к нему. |
| 16 А сӧрымашым Авраамлан да тудын урлыкшылан пуымо. Возымаште, «урлык-влаклан» манын, шуко нерген огыл, а икте нерген «тыйын урлыкетлан» манын каласыме, тиде – Христос.*ж | 16Но Аврааму даны были обетования и семени его. Не сказано: и потомкам, как бы о многих, но как об одном: и семени твоему, которое есть Христос. |
| 17 Мый тидым ойлынем: нылшӱдӧ кумло ий эртымеке лекше закон Христос нерген Юмын ондак пеҥгыдемдыме ойпидышым шӧрен да Юмын сӧрымыжын вийжым пытарен ок керт. | 17Я говорю то, что завета о Христе, прежде Богом утвержденного, закон, явившийся спустя четыреста тридцать лет, не отменяет так, чтобы обетование потеряло силу. |
| 18 Вет югыпогым налмаш законеш негызлалтеш гын, тыгеже тудо сӧрымашеш ок негызлалт. Но Юмо сӧрымыж дене Авраамлан югыпогым пӧлеклен. | 18Ибо если по закону наследство, то уже не по обетованию; но Аврааму Бог даровал оное по обетованию. |
| 19 А молан законжо кӱлеш? Тудым, сӧрымашым налше урлык толмешке, титакыш пурымылан кӧра варарак лукмо да ушен шогышын кидше дене Суксо-влак гоч пуымо. | 19Для чего же закон? Он дан после по причине преступлений, до времени пришествия семени, к которому относится обетование, и преподан через Ангелов, рукою посредника. |
| 20 Но икте годым ушен шогышо огеш лий, а Юмо икте. | 20Но посредник при одном не бывает, а Бог один. |
| 21 Тугеже закон Юмын сӧрымыж ваштареш шога? Уке! Вет илышым ыштен кертше закон пуалтеш ыле гын, чыныш лекмаш чынжымак закон деч лиеш ыле. | 21Итак закон противен обетованиям Божиим? Никак! Ибо если бы дан был закон, могущий животворить, то подлинно праведность была бы от закона; |
| 22 Но мом сӧрымӧ, тудо ӱшаныше-влаклан Иисус Христослан ӱшаныме дене пуалтше манын, Возымаш чылам языкеш кепшылтен. | 22но Писание всех заключило под грехом, дабы обетование верующим дано было по вере в Иисуса Христа. |
| 23 Ӱшанымаш толмо деч ончыч, шушаш ӱшанымаш почылтмешке, закон мемнам петырен кучен да оролен. | 23А до пришествия веры мы заключены были под стражею закона, до того времени, как надлежало открыться вере. |
| 24 Тыгеже, ӱшаныме дене мыланна чыныш лекташ манын, закон мемнам Христос деке виктарыше лийын.*з | 24Итак закон был для нас детоводителем ко Христу, дабы нам оправдаться верою; |
| 25 Но ӱшанымаш толмеке, ме ынде виктарышын кид йымалныже огынал. | 25по пришествии же веры, мы уже не под руководством детоводителя. |
| 26 Вет Христос Иисуслан ӱшанымылан кӧра те чылан Юмын шочшыжо улыда. | 26Ибо все вы сыны Божии по вере во Христа Иисуса; |
| 27 Те чылан, Христос дене ушнаш манын тынеш пурышо-влак, Христос дене вӱдылалтында. | 27все вы, во Христа крестившиеся, во Христа облеклись. |
| 28 Иудей але эллин, кул але эрыкан, пӧръеҥ але ӱдырамаш ынде уке, вет те чыланат, Христос Иисус дене ушнен, икте улыда. | 28Нет уже Иудея, ни язычника; нет раба, ни свободного; нет мужеского пола, ни женского: ибо все вы одно во Христе Иисусе. |
| 29 А Христосын улыда гын, тугеже те Авраамын урлыкшо да сӧрымӧ почеш наследник улыда. | 29Если же вы Христовы, то вы семя Авраамово и по обетованию наследники. |
*ж 3:16 Тӱҥ 12:7, 13:15, 24:7.
*з 3:24 «Закон мемнам Христос деке виктарыше лийын»: грекла возымым тыгеат умылаш лиеш: «Христос толмешке, закон мемнам виктарыше лийын».
Глава 3